| Cé
gur minic a luaitear An Canónach James Horan le Scrín
Chnoc Mhuire, caitheann an Cogar seo súil ar bhanlaoch
eisceachtúil Chnoc Mhuire - An Dáma Judy Coyne. Siar sna
1930í , nuair nach raibh mórán eolais ag daoine mar gheall
ar an scrín a chuir Judy, maraon lena fear céille Liam,
suim sa scrín i dtosach. Chaith sí formhór a saoil ag
iarraidh Scrín Mhuire a fhorbairt agus í a chur chun cinn.
Maidin Domhnaigh sa bhliain 1964, bheartaigh sí go mba
chóir don Phápa cuairt a thabhairt ar Éire. |
 |
Rugadh
Judy Coyne (nee Begley) i gClár Chloinne Mhuiris
sa bhliain 1905, agus b'í an leanbh ab óige í
as clann aonar déag. Phós sí an Breitheamh Dúiche
Liam Coyne sa bhliain 1924, agus tar éis dóibh
mí na meala a chaitheamh i bPáras d'fhilleadar
ar Theach Bridgemount, in aice le Béalcarra, mar
a raibh saol compórdach aici le héadaí gallánta,
cúirteanna leadóige, agus cuairteoirí rialta.
Sa
bhliain 1929, ghlac siad le cuireadh ó cháirde
le bheith i láthair ag iubhaile caoga bliain i
gCnoc Mhuire chun Taispeánadh na Maighdine Muire
(1879) a cheiliúradh. D'fhógair Ardeaspag Thuama
nár chóir don tslua a bhí bailithe ceapadh go
raibh aitheantas oifigiúil á thabhairt aige don
Taispeánadh a tharla leathchéad bliain roimhe
sin.
|
|
|
Ní
raibh cinneadh déanta ag an Eaglais i dtaobh an Tasipeánta,
agus níor éirigh leis an 1ú Coimisiún Fiosraithe a dhein
iniúchadh sa scéal a dheimhniú gur tharla sé. Baineadh
siar Judy agus Liam agus nuair a thugadar cuairt ar
Lourdes sa bhliain 1934 thosaigh siad á chur i gcomparáid
le Cnoc Mhuire. Chuaigh an bheannacht laethúil a tugadh
do na heasláin i bhfeidhm go mór ar mhuintir Coyne.
'Each
day we joined in the huge procession… and as we did
so, we asked ourselves again and again why we were not
seeing the same thing happening in Knock…...A strange
feeling of a need to do something to promote it began
to nag at both my husband and myself, and there was
no getting rid of it.'
(Providence,
my Guide, Judy Coyne, 2004)
Rinne
sí beart de réir a briathair agus sar i bhfad bhí Judy
Coyne dírithe ar Chnoc Mhuire a chur chun cinn. Siar
sna 1930í, mhúscail sí féin, maraon lena fear céille,
athbheochan suime i scrín Chnoc Mhuire, scrín a bhí
ligthe i ndearmad agus lean siad leis an obair go dtí
go raibh cáil dhomhanda ar scrín Chnoc Mhuire, mar atá
inniu. Bhunaigh siad Cumann um Fhorbairt Scrín Chnoc
Mhuire (Cumann Scrín Chnoc Mhuire mar a thugtar air
inniu), sa bhliain 1935. Thaisteal siad ó cheann ceann
na tíre ag dáileadh bileoga i measc scoileanna agus
clochair na tíre. Thugadar léachtanna chun an scrín
a chur chun cinn. Scríobhadh leabhair agus bhunaigh
Judy Bliainiris Scrín Chnoc Mhuire. Bunaíodh na Cumhail
Mhuire agus na Giollaí Mhuire a chuidigh le Judy agus
í i mbun a cuid oibre, agus tháinig méadú ar an dá eagraíocht
sin thar tréimhse ama.
|
|
|
| D'fhógair
Cumann Staonairí Bhaile Átha Cliath i lár na 1950í go
raibh i gceist acu oilithreacht a dhéanamh go Cnoc Mhuire,
agus d'iarr siad ar Judy cuidiú leis an oilithreacht.
Ní bhfuair Judy mórán tacaíochta ón sagart paróiste agus
chuir Comhairle Contae Mhaigh Eo i gcoinne na hoilithreachta
- 'The roads couldn't take them' 'Every tractor in the
county would be pulling the cars out of the ditches.'
Ach tháinig na staonairí - 50,000 acu, d'aineoinn na ngearán.
D'éirigh ar fheabhas leis an oilithreacht, bíodh is nach
raibh cuisneoirí ná uisce reatha féin ann san am sin.
Ní fheicfí a leithéid arís go dtiocfadh an Pápa. |
| Agus
í ag obair i gCnoc Mhuire chuir Judy agallamh ar
fhinnéithe an Taispeánta. Bhí lámh aici i gcruthú
na leigheanna a bhí mar chuid den Dara Coimisiún
Fiosraithe. I mbliain Mhuire na bliana 1954, thug
Judy na Cumhail agus na Giollaí go dtí an Róimh
agus bhí sí i láthair nuair a bheannaigh an Pápa
Pius XII Meirge Chnoc Mhuire. 'The first privilege
the Vatican gave to Knock Shrine'. |
 |
|
|
Thug
sí aghaidh ar an Iodáil arís sna 1960í chun comhairle
a thabhairt don Ollamh Lorenzo Ferri, an dealbhóir a
bhí chun dealbha den Taispeánadh a dhéanamh d'eaglais
Chnoc Mhuire. Nuair a léigh sí gur thug an Pápa cuairt
ar an Talamh Naofa sa bhlian 1964, bheartaigh sí go
mba chóir dó cuairt a thabhairt ar Éire, agus go háirithe
ar Chnoc Mhuire. Uaidh sin amach thosaigh sí ag díriú
ar chomóradh céad bliain an Tasipeánta (1979), agus
brú á chur aici ar an gCanónach Horan agus ar na hArdeaspaig
an Pápa a thabhairt go Cnoc Mhuire. Tá a fhios ag an
domhan is a mháthair cad a tharla.
Scéal
banlaoch a insítear sa Cogar seo, ceannródaí a raibh
fís aici, bean nár chaill misneach riamh ainneoin na
ndeacrachtaí go léir a bhí roimpi.
|
|
Cogar
- Dáma Chnoc Mhuire
Léiriú de chuid Esras le haghaidh TG4
Léirithe & Stiúraithe ag Mary Brophy
Duartion:
26 mins
Tuille eolais/ Radharcanna léiriúcháin:
Esras Films on 01- 2881939
Mary Brophy: 01- 2881939
Esras Films Ltd,
43 Mount Merrion Avenue,
Blackrock,
Co. Dublin.
|
|
|
|
|
|
 |
|
Providence
My Guide
The
heroic force in the Knock Shrine story
Author: Kennedy, Ethna
ISBN 9781856354349
Paperback
Mercier Press
Contact
Mercier Press Ltd. Douglas
Village, Cork, Ireland
(T) +353 -21 - 489 9858
(F) +353- 21 - 489 9887 info@mercierpress.ie
www.mercierpress.ie
|
|
|
| |
|
